منصة أردنية للتراث الحي: أكل وحِرف وأرض وذاكرة من كل محافظة، بتشتروها من أهلها مباشرة. اسمها من الزيتونة اللي ما بيطوّقها ثلث زلام.

ثلاث شغلات: المطبخ رقم 1، مطبخ أم محمد بحور، وحجز زيتونة باسمكم قبل القطاف، ورمضان للشركات. الباقي بيفتح محافظة محافظة، لما نلاقي أهله.

الطلب من المطبخ رقم 1 عالواتساب، قبلها بيوم، والتوصيل داخل إربد بس. برّا إربد؟ احجزوا زيارة، أو اهدوا حدا بإربد.

كاش أو CliQ، والمجموع بيوصلكم مكتوب قبل ما تدفعوا. وما بنطلب منكم أرقام بطاقات.

هي بتحطّ سعرها، والحصة الكبيرة بتضل إلها. حصّة مهراس بتنكتب وبنتفق عليها معها قبل أول طلب.

من نموذج أهل الصنعة، بخمس دقايق. بنتواصل معها وبنرتّب زيارة، وما بيطلع إشي باسمها إلا بموافقتها.

أغلب أكل المطبخ رقم 1 فيه قمح وحليب، وبعضه سمسم أو بيض أو مكسرات، والمطبخ بيتعامل معهم كلهم. احكولنا عن أي حساسية قبل الطلب.

بنستعملها بس للسبب اللي بعتّوها عشانه. التفاصيل كلها بصفحة الخصوصية.